Al mit säben Johrn hett Leonie Grote ut Bokel de Tohörers mit ehr plattdüütsch Döntjes up ehre Siet brocht. 2013 weer se de Eerste för ganz Neddersassen bi‘n Wettstriet „Schüler lesen Platt“. Siet velen Johrn maakt Leonie bi de Ollnborger „August-Hinrichs-Bühne“ mit. Toeerst weer se bi männigeen Stück för junge Lüüd in‘t „Platt‘n Studio“ mit dorbi, un middewiel stund se al bi fief groten Theaterstücken van de „August-Hinrichs-Bühne“ in‘n „Kleinen Haus“ van dat „Staatstheater“ up de Bühn, so to‘n Bispill in een van de Hauptrullen in „Honnig in Kopp“.
Frage: Wer oder wat hett di up de plattdüütsch Spraak brocht?

Leonie: Mit minen Vadder un mit mine Omas un Opas heff ik bloots Platt snackt, un mit de mehrsten Nabers ok. Mit mien Mudder bloots hoochdüütsch, up dat ik in beide Spraken best to Huus bün. Dat is vandaag noch so, un nu wesselst as van sülben twischen Hooch un Platt, wenn du mit all an enen Disch sitten deist.

Frage: Weer dat stuur, Plattdüütsch to lehrn?

Leonie: Ik heff ja van lütt an Platt snackt, so weer dat nich stuur de Spraak to lehrn. Dat is ja för mi een Mudderspraak just so as Hoochdüütsch. Wat stuurer is dat, geiht dat um dat rechte Schrieven in Plattdüütsch.

Frage: Mit wecke Lüüd snackst du Dag för Dag ok maal Platt?

Leonie: Dag för Dag snack ik besünners mit minen Vadder un mit mine Omas Platt. Un mit Lüüd, van de ik dat weet, dat se Platt snacken köönt. Mine Arbeitsstää is ene Arztpraxis, un mit enkelde Patienten snack ik Plattdüütsch.

Frage: Wat för‘n Bedüden hett för di de plattdüütsch Spraak?

Leonie: För mi bedütt Platt een Stück Kultur, wat blieven mutt. Platt bedütt för mi aver ok, so de Wöör to setten, as ik dat geern will. Up Platt höört sik de Schimpwöör to‘n Bispill nich so gräsig an, seggt aver nipp un nau dat, wat ik menen do.

Frage: Kunnst du al Frünnen för Plattdüütsch winnen?

Leonie: Ik heff vele Frünnen, de geern van lütt an Plattdüütsch lehrt harrn. Vele beduurt dat, dat ehr Öllern oder Grootöllern de plattdüütsch Spraak nich an ehr wietergeven harrn.

Mehrst weern se bang, ehre Kinner kunnen dat laterhen stuurer in‘n Düütschunnericht hebben. Enkelde van mine Frünnen hefft mi dorüm al beden, mit ehr Platt to snacken, up dat se de Spraak lehrt.

Frage: Wat wünscht du di, wenn‘t um de plattdüütsch Spraak geiht?

Leonie: Ik wünsch mi, dat de plattdüütsch Spraak an‘t Leven blifft. Up dat wi ok us Kinner un Enkel up‘n plattdütschen Weg bringt un noch mehr junge Lüüd Platt snackt. Disse schöne Spraak dröff nich to Dode kamen.

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.