Unkel Nanning harr vergeten, wor he överhaupt hen wull. Bi’t Huus harr he dat mit sien Guste jümmer noch fein upseggt: „Wenn ik up den Bahnhoff bün, denn löös ik mi een Kaart na Süderbrarup.“

Un nu weer he in Husum up den Bahnhoff un stund vör den Schalter. He weer mit allns klor. Bloots he wuss nich mehr, wor he hen wull. Harr he reinut vergeten. Wat schull he denn man noch to den Mann achter den Schalter seggen? – „Süderbrarup“, dat full em nich in. Unkel Nanning pedd vun den een Stävel up den annern. Nee, em keem dat nich in den Kopp un nich up de Tung. Weg weer’t.

De Mann achter de Schiev harr al dat tweete Mal fraagt, wat „de Herr“ denn woll geern hebben much. Ja, een Fahrkaart, dat weer ja klaar. Aver wat schallst du mit so’n Dings, wenn du gar nich weeßt, wor du hen wullt? Dor föhlst du di bestimmt nich as so’n „Herr“. De Herrlichkeit is weg.

Aver liekers broch em dat „de Herr“ in’n Gang. Un he riskeer dat maal. De Beamten, dach Unkel Nanning, dat sünd doch so kloke Lüüd. Heff ja sülven maal een Uniform dragen, domals bi de Inselwach. Weet, wodennig dat is un wat de eenfache Slag Lüüd vun di holen deit.

Also, he riskeer dat un fraag doch tatsächlich den Mann achter de Schiev: „Herr Beamter, köönt Se mi nich seggen, wo ik hen will?“ Nu harr een ja denken kunnt, de Beamte fung an to grienen oder to lachen oder to schimpen. Na, so dat Alldägliche. Dee he aver nich. Nee, he fraag ganz ruhig: „Weten Se denn so’n beten, wor de Weg langs geiht?“ „Ja, dat weet ik“, meen Unkel Nanning. „Ik will na uns Dochter Alma. Un de wahnt twüschen Husum un Flensborg. Wieter na Oosten hen. Dat weet ik wiss. Aver den Naam van dat Dörp, den heff ik vergeten.“

De Mann achter de Schiev nehm sik een Book to Hand. Aha, de Fahrplan, dach Unkel Nanning. Un de Mann fung ganz langsam an to lesen. He tell all de Stationen up twüschen Husum un Sleswig. Nee, dar weer dat Dörp nich bi.

Denn kemen de Stationen twüschen Sleswig un Flensborg. Un as he bi „Süderbrarup“ ankeem, do reep Unkel Nanning ganz vergnöögt: „Stop, Herr Beamter! Dat is dat! Dar schall ik hen, hett Guste mi seggt. Dar wahnt unse Alma.“ Un he kreeg sien Kaart.

In Süderbrarup is he goot ankamen, hett he us naher vertellt, as he wedder up de Hallig weer . . .

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.