Hebbt Ji al maal ’n Elchsafari mitmaakt? Nee? Man mien Froo un ik. Wi weren mit uns Wohnmobil an de Vänernsee in Schweden unnerwegens un wullen dicht bi Vänersborg up ’n Campingplatz övernachten. Ja, un do sachen wi dat Plakat. Elchsafari! Treffpunkt Klock teihn avends. Hmh, dat weer doch maal ganz wat anners. ’n Elch harren wi bit dorhen ok noch nich sehn. Dat weer um de Mitsommernacht un well al maal in Skandinavien west is, de weet, dat dor um disse Tied nich maal de Nacht so richdig duster word. Wi hebbt uns also anmeldt un um Klock teihn avends stunnen wi an de Straat. De Bus weer al halvwegs vull un na twee Haltestellen do weren all Platzen besett. Englanners, Franzosen un ok veer Japaners weren an Boord. Utrüst mit Kameras, wor unsereens blot van drömen kann. De een weer al de hele Tied dör sien Linse ant Pielen un ok de annern kunnen ’t woll heelnich ofwachten, dat dat los gung. Ja, un denn gung dat los. ’n junge Schwedin dee uns in fief Spraken begröten un verklaar uns, wat up uns daal kweem. So rugweg tein bit twintig Kilometer wullen se mit uns dör Busk un Holt fahren un wi sullen uns Kameras man stadig paraat hollen. Kunn ja wesen, dat tomaal in de Dickicht ’n Elch vandag kweem. De Japaners hungen as eerste mit de Nös an de Schiev, man ok wi weren heel neeschierig, wennehr denn nu de eerste Elch to sehn weer. Kilometer för Kilometer gung dat so d’rhen. Bi elke Boomstump, de bi dat Schummerlücht to sehn weer, reten enig Lü de Knipsapperaten hoch un drückten hör Nös an de Schiev. Bi elke Lichtung surrten de Kameras. Man alls kregen wi to sehn, blot kien Elch. De junge Froo verklaar uns uplesd heel vertwiefelt, dat dat heel selten vörkweem, dat man bi so een Safari kien Elch to sehn kreeg. Wi hebbt dat alls mit völ Humor nohmen, denn alleen dat Bekieken un Verhollen van de verscheden Minsken weer al interessant west. Laat in d’ Nacht weer dat al, as wi weer torügg up uns Campingplatz weren. Wi drömten nachts noch van Elche. Anner Dag sünd wi denn in Richtung Skövde wieder fahren. Ja, un dat dürde nichmal ’n Stünnen, as uns tomaal ’n Elch över de Padd leep. Heel gemütlich gung de över de Straat un verswunn denn weer tüsken de Bööm. Kiek an, so kannst d’ ok ahn so ’n düre Safari ’n Elch to sehn kriegen, man mutt blot ’n beten Glück hebben.

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.