Maandagmorgen, Martha sitt in ehr Köök. Wo hebb ik dat denn blots laten, weer se an sinneren. Se wull Rhabarberkoken backen, man nu weer dat Rezept weg. Oh, kiek an, dar up de Finsterbank liggt dat. Och, se harr dat ja al güstern praat leggt, at se mit ehr Fründin an Telefon snackt harr. Gerda wull to’n Koffie kamen un dat schull Rhabarberkoken geven.

Allens war se se brüken dee, harr Martha in’n Huus, blots Rhabarber muss se noch hebben. Se keek in ehrn Gaarn, dar weer aver nix mehr to halen. Mandags weer leider Gotts ok kien Wäkenmarkt. So leep se na den Supermarkt. Ja, un dar legen blots so’n paar spillerige Stangen, an een Maadagmorgen kunnt ja ok nich anners ween. Martha fummel sik de besten Stangen rut. An de Kass snack se noch een Woort mit de Verköpersche, man de kunn ehr ok kien frischen Rhabarber hexen.

Seniorenversammeln

Se gung na Huus un höör al van buten dat Telefon bimmeln. Gerda weer’t , se kunn nu vandagen doch nich kamen, wieldat se maandags eegens jümmer bi een Seniorenversammeln weer und dat harr se güstern an’t Telefon vergeten. Martha keek den labbrigen Rhabarber an. Wat schull se dar nu mit? Naja, se wull em man trechtmaken un denn keem ehr dat woll middags topass.

Na’t Eten keek se in’t Blatt, so at elkeen Middag. Stunn maandags ja nich so veel in, man ehr Ogen bleven an een Bild hangen: ’n lütt Schipp up de Werser. Dar kunn een ’n Tour mit föhrn, Klock dree gung dat jümmer los. So up’t Water schippern dee Martha geern un Tiet harr se ja nu. Se maak sik up’n Padd. Is doch goot, dat ik mien lütt Auto noch hebb, dach se bi sik. Weer ja al bannig oolt, awer wenn’t stahn blieven schull, kunn se ja den AdAC anropen. Dorwegen harr se jümmer dat Handy bi sik. Handy? Nee, dat harr se nu ja doch glatt vergeten. Un wenn se kien Handy harr, harr se ok kiene Autopapieren. Dat steek jümmers tohoop in ehr swatte Tasch un nu  harr  se de witte grepen. An de Kant föhrn, umdreihn, trüch na Huus, dat weer man so eens. Un flink harr se ehr swatte Tasch in’t Auto. Se suus so gau at dat ole Auto kunn un de Polizei dat toleet, Kurs Werser.

Kien Kaptein

Fief Minuten vör dree weer se an den Haven un sehg dat Schipp. Man anners weer dar nix, kien Kaptein, kien Gäst, nüms. Wat weer los? Up een schild Stunn de Fohrplaan; Täglich 15 Uhr , außer montags. Maandag, jo, vandagen weer Maandag un de is nu wohrhaftig nich mien Dag, kunn Martha blots noch denken.

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.