Moin Andreas, wat maakst du denn hier? Langen nich sehn“, sä Werner un haude Andreas van achtern op de Schullern.

„Och Minsch Werner, dat is jo moi, dat ik di drop. Hest een beten Tied, denn köönt wi jo tohop een Koffee drinken,“ meende Andreas.

„Jo, dat is mal een gode ldee, bün ik tohus noch gar nich to kamen. Un inköpen kann ik jümmers noch, loop jo nix wech. Fein Stück Koken köönt wijo ok noch äten, nich?“ strahlde Werner em an.

„Jo, dat maakt wi. Kann ok naher noch na dat Sonderangebot kieken. Marie will mit Gewalt disse blöde Brotbackmaschin hebben, brukt wi överhaupt nich. Dor backt se denn een paar Mal mit un denn steiht dat Ding dor weer her. Man se hett so langen sabbelt, bi ’t ik mi op ’nen padd maakt heff, kennst jo mien Marie“, sä Andreas un verdreihde de ogen.

„Jo, jo de Froons, mien Else hett towielen ok ehre Grappen, nu will se dat ik afnehmen schall, bün ehr mit ’nen Mal to dick. So ’n Blödsinn. Kiek mi doch an, heff nu mal een beten mehr op de Rippen, na un, wat maakt dat denn? lk föhl mi goot,“ klagde Werner.

„Dor schull Marie bloots eenmal wat seggen, denn is aver wat los, segg ik di. Dat is doch woll mien Saak wo ik utsehn do. Is sowieso to laat dor noch wat to ännern. Na ja, laat us man een Korten darto drinken, wat meenst du“, froog Andreas.

„Na klaar doch, jüst as in ool Tieden. Weer’ne gode ldee van mi inköpen to gahn“, Werner strahlde över ’t ganze Gesicht, sien Welt weer woller in Ornung. „Ja, so af un an mutt een doch mal rut. Jümmers bloots tohus, dat is allns nix. Segg ik jümmers. Un dat is mi veel to vull in den Laden. lk heff Tied, Marie sitt tohus mit ehr Kaffeetanten tohop, un dor bruk ik ok so gau nich hen“.

„Dat kann ik verstahn. Else hett ok af un an ehr Kaffeetanten tohus. Över wat de all hertreken doot, dat glövst du nich. Wo de all op acht. Of de Wahnung ornig is, of de Möbel oolt sünd, Hauptsaak is doch, man kann se noch bruken. Mutt doch nich jümmers all so ’en neemodschen Kram wesen. Un wat de van gegenöver antreken deiht, un well mit wem. Wen intresseert dat denn? Nüms. Bloots de Froonslü...,“ meende werner. „Jüst dat, lesdens sünd se över Lissie hertruken. Meinzeit, as wenn se nix to doon harrn, soveel Tied much ik ok mal hebben“.

Andreas weer ganz sien Meenen. De Beiden günnten sik noch nen paar Korte, weern hell vergnögt un markden gor nich wo gau de Tied hengung, as dat Handy von Andreas bimmelde. Marie wull weeten wo he so langen bleev.

„Jo weetst du Marie, ik bün dör all de Supi-Supermärkte in ’ne stadt, heff mi die Hacken afloopen un överall keeken, deiht miwürklich leed, man nüms harr noch disse Brotbackmaschin...“

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.