Nu stah ik hier alleen an de Straat, leer. Se hefft mi hier eenfach so afstellt. Ik bün ehr nich mehr goot noog.

All de Jahrn druff ik mit, wenn ’t in de Ferien gung un nu, nu hebbt se so ’n neemodsch Deel ut Plastik, ‚Hartschale’. Ph, dat döögt doch nix, Plastik. Kiek mi an, ik bün een heel moien Kuffer, beste gode oole Sort. Wat rejells. Nich so’n spillern Ding, wat al van ’t Ankieken ut n ’anner fallt. Ik bruk dat nich, dat ik opfall. Man dat nee Ding, knallrod is de mit blaue Striepen, de schull sik wat schaamen. An us Ehr denken. Un sowat is nu an mien Stä.

Mutt jo nich allns beter wesen, wat nee is. Wenn dat Oole sik goot maakt hett, woto denn wat anners nehmen? Op mi weer jümmers Verlaat.

Wenn ik an lesdet Johr denk. Dat weer wat Besünners, dor heftt wi een Törn övert wiede Water maakt. Dat weer bit nu mien längste Reis. Dat gung na Canada. Mi is noch ganz slecht van dat op un daal. Turbulenzen säen se. Dorbi is dat denn ok passeert. De hefft us man eenfach so in den Fleger smeten. Man so slimm weer dat denn ok nich, ik bün doch noch ik. Na ja, een beten lädiert an een Stä, man dat is nich wieter slimm. Ik bün doch nich twei und laat ok nix rutfalln. Disse Plack maakt mi doch bloots intressanter. Dor kann een mi fuurts an kennen.

All de Jahrn weer ik goot noog un denn is dor mal een beten un fuurts musst du weg. Un dat na twintig Jahr, de wi bald jedet Jahr mit ’nanner unnerwegens weern. Dat mutt een sik mal vörstelln. Wat hefft wi nich al tohop belevt. Wo froh weern se jümmers, dat se mi mit harrn, dor harr allns Platz in. Jümmers weer ik för ehr dor. Un nu mit ’n Mal schall dat al vörbi wesen, dat is nich to verstahn.

All de moien Reisen mit dat Auto, mit ’n Bus oder mit ’n Fleger un af un an gung dat jo ok mal to Kur weg. Ik heff al veel mitmaakt un ik kunn ok noch veele Reisen mitmaaken. In mien Oller bün ik jümmers noch neeschierig. Ik heff veel van de Welt to sehn kreegen. Dor drömt anners een bloots van. Mallorca weer mi een beten to heet, in de Kur damals in Bad…, nu heff ik den Naam vergeten, hett dat bloots Regen geven un op de Tuur na Italien, dor weer ik bös inklemmt in ’n Fleger twüschen al de anner Kuffers. Man dor is nix passeert.

Un nu is mi ganz bang, wat schall bloots ut mi weern, dor kummt een Fahrtüüg jümmer neeger, all de annern Saken, de jüst as ik an de Straat staht warrt van twee Mannslü op den Wagen smeten, un glieks sünd se hier…

Meine Themen: Verpassen Sie keine für Sie wichtige Meldung mehr!

So erstellen Sie sich Ihre persönliche Nachrichtenseite:

  1. Registrieren Sie sich auf NWZonline bzw. melden Sie sich an, wenn Sie schon einen Zugang haben.
  2. Unter jedem Artikel finden Sie ausgewählte Themen, denen Sie folgen können.
  3. Per Klick aktivieren Sie ein Thema, die Auswahl färbt sich blau. Sie können es jederzeit auch wieder per Klick deaktivieren.
  4. Nun finden Sie auf Ihrer persönlichen Übersichtsseite alle passenden Artikel zu Ihrer Auswahl.

Ihre Meinung über 

Hinweis: Unsere Kommentarfunktion nutzt das Plug-In „DISQUS“ vom Betreiber DISQUS Inc., 717 Market St., San Francisco, CA 94103, USA, die für die Verarbeitung der Kommentare verantwortlich sind. Wir greifen nur bei Nutzerbeschwerden über Verstöße der Netiquette in den Dialog ein, können aber keine personenbezogenen Informationen des Nutzers einsehen oder verarbeiten.